Төменгі Қайрақты ауылдық кітапханасында

6 қыркүйек сағат 15: 00 де 5 қыркүйек Қазақстан халқы тілдері күніне арналған «Тіл - халықтың даналығы, тіл - халықтың тарихы» тақырыбында Хасен Сәрінжіпұлы ЖББМ - нің 6 сынып оқушыларының қатысуымен филворд (сөз жұмбақ) ойыны ұйымдастырылды. Кітапханашы А. Ибрайбекова филворд ойыны туралы қысқаша түсініктеме беріп, іс шара қатысушыларына филворд кестесі беріліп, адасқан әріптерден сұрақтың жауабын тауып өз ойларын ортаға салды. Кітапханашы Н. Кенжешова «Тілім менің - тірлігімнің айғағы» тақырыбында арнайы жасақталған кітап көрмесімен таныстырды. Шара соңында қатысушыларға алғыс білдіріліп, естелік суретке түсіп тарқасты.