"Бір ел-бір кітап" акциясы аясында:

Биылғы жыл «Бір ел - бір кітап» акцясы аясында қазақ прозасына өзгеше өрнек, ғажайып сыр - сипат әкелген көрнекті жазушы, 2024 жылы 100 жылдығы ЮНЕСКО көлемінде аталып өтілетін Бердібек Соқпақбаевтың шығармаларын оқу ұсынылды.

Осыған орай ауылдық кітапханада 8-ші ақпан сағат 12: 00 де Хасен Сәрінжіпұлы атындағы ЖББМ-нің 10 сынып оқушыларының қатысуымен «Қазақ балалар әдебиетінің қара нары» тақырыбында букроссинг өткізілді. Алдымен кітапханашы Н. Кенжешова букроссинг акциясының ережесімен, Бердібек Соқпақбаевтың өмірі мен шығармашылығы жөнінде баяндады. «Қожа және оның достары» тақырыбында сауалнама жүргізіліп, кейіпкерлерге мінездеме берілді. Кейін оқушыларға «Клиптограмманы шеш» ойыны ойнатылды. Онда Б. Соқпақбаевтың әңгімелерінің атауы жасырылып адасқан әріптерден шығарманың тақырыбын құрастырды. «Бұл қай шығарма?» деп аталатын ойында оқушылар «Жекпе-жек», «Балалық шаққа саяхат", «Қайдасың, Гауһар?» шығармаларынан үзінді оқыды. Сонымен қатар оқушылар «Балалар әдебиетінің классигі» атты инсталяциялық кітап көрмесімен танысты.

Мақсаты: Ұлттық әдебиеттің үздік туындыларын ілгерлету, рухани мұраны сақтау оған жастарды тарту, қазақ балалар әдебиетінің классигі Бердібек Соқпақбаевтың өмірбаяны мен шығармашылығын таныстыра отырып, оқырмандарды кітап оқуға шақыру.