Төменгі Қайрақты ауылдық кітапханасында 2019жылдың қазан айының 23-ші жұлдызында жастар жылына орай

Аталмыш іс-шараға Төменгі Қайрақты ауылдық округінің әкім аппаратының бас маманы Болатов Аңсар Қарпықұлы, Хәсен Сәрәнжіпұлы атындағы жалпы орта білім беретін мектеп базсындағы тірек мектебінің тарих пәнінің мұғалімі Алишев Аян Қайыргелдіұлы және спорттық нұсқаушы Серикбаев Айбек Мұратұлы қатысты. Қонақтарымызға сөз беріліп, қазіргі тәуелсіз елдің жастары жайлы, жәнеде кейінгі өсіп келе жатқан жастардың деңгейі туралы өз ойларын ортаға салды.Сонымен қатар осы айда дара тұлғалы ақын ,қоғам қайраткері Сәкен Сейфулиннің туған күнімен тұспа тұс келгендіктен ақын жайлы сөз қозғай кеткенді жөн көрдік.Кешке қатысқан оқырмандарымыз Сәкен Сейфулиннің өлеңдерін жатқа оқып берді.Оқырмандар жалықпас үшін арасында ойын ойнатылды. Жастарымыз өздерінің оқыған кітаптары жайлы айтып, Кенжешова Назерке Сәкен Сейфулинге қойылған «Қазақ әдебиетінің ақсұңқары» және жастар жылына орай «Ел болашағы жалынды жастар» атты кітап көрмесімен таныстырып өтті. Кешті Ибрайбекова Аигерім жүргізді. Ел боламын десең бесігіңді түзе дегендей,еліміз жастарға зор сенім мен үміт артып отыр.Ал барлық жігер, қайрат, еліміздің болашағы тек жастардың қолында. Кеш соңында Серік Дилназ Мағжан Жұмабаевтың «Мен жастарға сенемін» атты өлеңімен аяқтады. Оқырмандар өзіне керек кітаптарын жаздырып алып,кешке келген қонақтар мен оқырмандарға сый сияпат таратылды Кездесу кешіміздің соңы естелік суретке түсумен аяқталды.